ZERDIOK

Aurpegi alai,
barrena triste,
eta begiak,
bi putzu.

Amodioaren aiztoak;
zeharka, doilor,
nau eritu.
Bi bala baino
garestiagoa, suertatu da
begirada.
Metraila bezain
mingarria, baina,
gozoa eztiaren
haina.

Goizero,
ekiarekin bat,
ene bi putzuetan
barna,
eztizko pausuez
lagatzen;
zu bilatzeko
aztarna.

Aurpegi alai,
barrena triste,
eta begiak
bi putzu.

Metraila bezain
mingarria, baina,
gozoa, eztiaren haina.

Taberna-zuloan
sei zerbeza,
laster da zazpigarrena.
Herituak
zauri guztiak
ezkutatzeko, hoberena

Nahiz bihar,
goizean,
berriz ere
ene bi putzuetan barna,
negar malko bat
pasako den.
Zure bila
ari dana.

Oier Aranzabal

Begiak zabalik,

itxita, lotan,

esna.

Goizero, doanik,
oparitzen

didazun irrifarre hori,

nahikoa duzu,

beltza zurian,

euri zaparrada

eguzkian,

bilakatzen dela

sinistarazteko.

Begietara

begiratzen uzte soilak,

begien izatea,

arrazoitzen du.

Bi begiak,

hatzen laguntzaz,

aterako nituzke,

ala ez balitz.

Begirik gabe,

itxita, lotan,

esna.

Bi musu ziztrin,
shhhhhh,

oheratzen utzi

eta hurrengo goizerarte

Maite, zaitut
maite.

Oier Aranzabal

Zugandik urrun,

oso urrun,

baina, ezpainen beroa

sentituz.

Sutondoan lez,

oso urrun.

Egur

eta adaxkak

kontsumituz.

Ezpainek kixkalita.

Bihotza,

ikatz bolaren antzera,

sutan,

oso urrun.

Kontsumitzen noa,

zutaz oroitzen, sutondoan.

Oier Arantzabal